رات کی تاریکی میں قاسم آباد کے مقام پر بھمبر کے رہائشی پر نامعلوم افراد کا مبینہ حملہ
Posted on August 8, 2012 By Geo Urdu سٹی نیوز
بھمبر (ڈسٹرکٹ رپورٹر) رات کی تاریکی میں جاتلاں جاتے ہوئے کھمب قاسم آباد کے مقام پربھمبر کے رہائشی پر نامعلوم افراد کامبینہ حملہ ۔ وحشیانہ تشدد کا نشانہ بنا یا گیا ۔نامعلوم افراد نے موبائل ،نقدی اور اصل شناختی کارڈ سمیت دیگر اشیاء لوٹ لیں ۔کاروائی کے لیے تھانہ بھمبر میں درخواست دے دی۔ تفصیلات کے مطابق بھمبر شہر کے علاقہ رشید ٹائون کا رہائشی طارق محمود ولد عبدالخالق گزشتہ رات اپنے آبائی علاقہ سماہنی سے موٹر سائیکل پر سوار ہو کر جاتلاں جا رہا تھا کہ قریباََ رات ساڑھے نو بجے کے قریب کھمب قاسم آباد کے مقام پر 3 نامعلوم افراد نے اسے روک لیا اور اس پر اچانک حملہ کر دیا گیا ۔
طارق کو شدید تشدد کا نشانہ بنایا گیا جس سے اس کے سر ،چہرے اور پائوں پر شدید چوٹیں آئیں ۔جاتے ہو ئے حملہ آور طارق سے ایک قیمتی موبائل ،ساڑھے سات سو روپے نقدی اس کا اصل شناختی کارڈ اور دیگر اشیاء لوٹ کر لے گئے ۔ حملہ آوروں نے موٹر چھیننے کی کوشش بھی کی مگر وہ اس میں کامیاب نہ ہو سکے ۔واقعہ پر کاروائی کے حوالے سے سٹی تھانہ بھمبر میں درخواست دے دی گئی ہے ۔
اعتکاف 2012ء کے سربراہ شیخ زاہد فیاض اور سیکرٹری جواد حامد کی شہر اعتکاف میں مشترکہ پریس کانفرنس
