رند کو مے چاہیے واعظ کو ایماں چاہیے
Posted on March 5, 2012 By Adeel Webmaster شاہد رضوی
grapes
رند کو مے چاہیے واعظ کو ایماں چاہیے
اپنی اپنی خواہشوں کا سب کو زنداں چاہیے
دو عناصر ہوں تو بنتا ہے غزالاں کا مزاج
خوئے وحشت چاہیے اور دشتِ حیراں چاہیے
ریگِ صحرا کی طرح سنگِ ملامت آئے ہیں
اس ذخیرہ کیلئے بھی اک بیاباں چاہیے
اے مسیحا کیا ہے معیار شفا بخشی ترا
کتنی گہرائی تلک یہ زخم عریاں چاہیے
اے ریاکاری و پرکاری خدارا رحم کر
ساری دنیا سے ہمیں بس ایک انساں چاہیے
وضع بدلے گی تو دنیا کو بھی سمجھا لیں گے ہم
چاک دامن تک جو آئے وہ گریباں چاہیے
شاھد رضوی
ہم قافلہ خوشبوئے ایوانِ وفا ہیں
نزر نامہ مہ و شانِ شوخ پیکر کیجیے
