سندھ اسمبلی کی دونشستوں پی ایس ترپن ٹنڈو محمد خان اور پی ایس ستاون بدین پرضمنی انتخاب کے لئے پولنگ جاری ہے۔ دونوں نشستیں پیپلزپارٹی کے امیدواروں کے انتقال اور استعفے کے باعث خالی ہوئیں۔
پی ایس ترپن ٹنڈو محمد خان پرپیپلز پارٹی کی امیدوار وحیدہ شاہ اور آزاد امیدوار میر مشتاق تالپر کے درمیان سخت مقابلا متوقع ہے۔یہ نشست وحیدہ شاہ کے شوہر سید محسن شاہ بخاری کے انتقال کے باعث خالی ہوئی، پی ایس ترپن کے ایک سو دوپولنگ اسٹیشن میں پچپن حساس اور پندرہ انتہائی حساس قرار دئیے گئے ہیں۔ رجسٹرڈ ووٹرز کی تعداد ایک لاکھ تیرہ ہزار آٹھ سو بارہ ہے۔
پی ایس ستاون بدین کی نشست ذوالفقار مرزا کے استعفے کے باعث خالی ہوئی جس پر ان کے بیٹے حسنین مرزا کا مقابلہ مسلم لیگ ہم خیال کے علی بخش عرف پپو شاہ سے ہے، پی ایس ستاون پر ایک سو پندرہ پولنگ اسٹیشن قائم کئے گئے ہیں۔ ووٹرز کی تعداد ستانوے ہزار چار سو اناسی ہے۔ پولیس کی بھاری نفری تعینات کی گئی ہے۔
اقوام متحدہ کے خواتین پینل میں پاکستان کورکنیت ملنے کا امکان
ضمنی انتخابات،کئی پولنگ اسٹیشنز پر بدامنی
