اسلام آباد (جیوڈیسک) سپریم کورٹ نے ڈیرہ بگٹی میں قبائلی جھگڑے کے تصفیے کے لیے 13 لڑکیوں کو ونی کرنے کا نوٹس لیتے ہوئے جرگہ کے سربراہ رکن بلوچستان اسمبلی طارق مسوری اور لڑکیوں کو کل طلب کر لیا ہے۔گزشتہ روز بلو چستان کے علاقے ڈیرہ بگٹی میں ہو ا دوگروپوں میں صلح کے لیے مقامی ایم پی اے طارق مسوری کی سربراہی میں جرگہ ہوا ۔
جرگے نے تیرہ بچیوں کو ونی کرنے کا حکم دیا ۔ جن کا تعلق با گرانی قبیلے سے تھا۔ بچیوں کی عمریں چار سے سولہ سال کے درمیان ہیں ۔ اس قبیلے کو بطور خون بہا تیس لاکھ روپے بھی ادا کر نا ہو ں گے ۔دوسری طرف ایم پی اے طارق مسوری نے جرگے میں شمولیت کی تردیدکی ہے۔
سرگودھا : 4 دکانوں پر چھاپے ، ایک لاکھ 80 ہزار بوگس سمیں برآمد
ملک ریاض توہین عدالت کیس کی سماعت آج پھر ہو گی
