سپریم کورٹ : وزیراعظم کا ردعمل پیش نہیں کیا جا سکا

Posted on July 28, 2011 By Geo Urdu مقامی خبریں

اسلام آباد: سپریم کورٹ میں حج بدانتظامی کیس میں سیکریٹری اسٹیبلشمنٹ کو اوایس ڈی بنائے جانے کے حوالے سے وزیراعظم کا تحریری ردعمل پیش نہیں کیاجاسکا۔ اٹارنی جنرل نے جواب دینے کیلئے پیر تک کی درخواست کی ۔چیف جسٹس نے کہاہے کہ عدالت کے پاس اتنا وقت نہیں ہے کل تک جواب لائیں۔
سماعت کے دوران اٹارنی جنرل نے عدالت کو بتایاکہ ان کی وزیراعظم گیلانی سے براہ راست بات ہوئی ہے ۔وزیراعظم نے سارے معاملے پر غور کرنے کا وعدہ کیا ہے۔ چیف جسٹس نے کہاکہ حکومت پر بداعتمادی نہیں ہے۔ انھوں نے ڈی جی ایف آئی اے سے استفسار کیا کہ حسین اصغر کو چارچ دینے میں کوئی رکاوٹ ہے ۔ ڈی جی ایف آئی نے کہاکہ چارچ دینے میں کوئی رکاوٹ نہیں ہے۔
اس سے پہلے اٹارنی جنرل نے عدالت کو بتایاکہ حسین اصغر اسکردو سے اسلام آباد کیلئے پرسوں روانہ ہوئے ہیں ان سے رابطہ نہیں ہورہا ہے۔ جسٹس خلجی عارف حسین نے استفسار کیاکہ اتنا بڑا آفیسر کہاں غائب ہوگیا اتنے بڑے افسرسے رابطہ نہ ہونے کی بات ناقابل یقین ہے جس کے بعد سماعت کل تک کے لئے ملتوی کردی گئی۔

by Geo Urdu

Geo Urdu (Webmaster)

اسلام آباد : سلیم شہزاد کمیشن میں ڈاکٹروں اور صحافیوں کے بیانات قلمبند لاہور : بھارت تمام مسائل مذاکرات سے حل کرنا چاہتا ہے۔ حنا