بالی ووڈ (جیوڈیسک) ممبئی بالی ووڈ کو سپرہٹ رومانوی فلم” جب تک ہے جان” دینے کے بعد کنگ خا ن اپنے مداحوں کیلئے ایک اور دھماکہ کرنے کیلئے تیار ہیں اور اسی سلسلے میں ان کی ایکشن سے بھر پور فلم” چنائے ایکسپریس” کے پہلے نئے پوسٹرز بھی ریلیز کر دئیے گئے ہیں۔
ہدایت کار روہٹ شیٹھی کی ڈائریکشن میں بننے والی اس فلم کے ان پو سٹرز میں شاہ رخ خان کہیں تگڑے پہلوانوں کے کاندھوں پر تو کہیں اپنی ہیروئن دپیکا کے ساتھ بائیک پر بیٹھے غنڈوں سے بچتے اور بھاگتے نظر آرہے ہیں۔ ایکشن اور رومانس سے بھرپور اس فلم کی پروڈکشن کے فرائض مسز شاہ رخ یعنی گوری خان انجام دے رہی ہیں۔
جبکہ موسیقی وشال شیکھر ترتیب دیں گے جس کی ریلیز ڈیٹ کا اب تک فیصلہ نہیں کیا گیا۔ اب دیکھنا یہ ہے کہ 2007 میں ریلیز ہونے والی فلم اوم شانتی اوم کی کامیابی کو کئی سال گزر جانے کے بعد بھی کیا شاہ رخ دپیکا کی جوڑی فلم بینوں کی توجہ حاصل کر پائے گی یا نہیں۔
نئی فلم ڈیوڈ کے پہلے ٹریلر اور گانے کی وڈیو ریلیز
سلمان خان کیلئے کترینہ آئیڈیل بیوی، شائقین کی رائے
