آئی جی ایف سی بلوچستان میجر جنرل عبید اللہ خان نے صوبے میں امن وامان کی صورتحال کو غیر تسلی بخش قراردیتے ہوئے کہا ہے کہ صوبے کے معدنی وسائل پر صوبے کے لوگوں کا حق ہے۔ کوئٹہ میں صحافیوں سے گفتگو کرتے ہوئے انہوں نے کہا کہ ناراض لوگ مذاکرات کے ذریعے صوبے کی ترقی میں اپنا کردار ادا کریں ،انہوں نے کہا کہ رواں سال کے دوران بلوچستان میں تین سو انیس دھماکے ہوئے جب کہ ایک سو چودہ راکٹ فائر ہوئے جن میں آٹھ سو اٹھاسی شہریوں سمیت گیارہ سو چھ افراد جاں بحق ہوئے ۔ انہوں نے کہ کہ مسخ شدہ نعشیں پھینکنے میں ایف سی ملوث نہیں، شمشی ایئر بیس پاک فوج کے کنٹرول میں ہے۔ ایف سی وہاں سیکورٹی کے لئے تعینات ہے، انہوں نے کہا کہ صوبے میں تیل وگیس کی تلاش کا کام تیزی سے جاری ہے۔
سفیروں کی کانفرنس میں خارجہ پالیسی کا جائزہ لیا گیا،حناربانی
ایبٹ آباد کمیشن نے سیاسی رہنماوں کے انٹرویوز ریکارڈ کرلیئے
