امریکی اخبار نیویارک ٹائمز نے سابق طالبان اہلکار کے حوالے سے دعوی کیا ہے کہ طالبان رہنماں اورامریکا کے درمیان قطر میں مذاکرات ہو رہے ہیں۔ امریکی اخبار کے مطابق قطر کے دارالحکومت دوحہ میں جاری مذاکرات میں گوانتانامو بے حراستی کیمپ میں قید طالبان قیدیوں کی رہائی اور بحالی اعتماد پر تبادلہ خیال ہورہاہے۔ امریکی حکام نے اخبار کو بتایا کہ پاکستان سے آنے والے آٹھ طالبان نمائندوں کو امریکا سے مذاکرات کیلئے پاکستان کا تعاون حاصل ہے۔ سابق طالبان حکام کے مطابق دوحہ جانے والے طالبان نمائندے قطر میں طالبان کا دفتر قائم کرینگے۔ قطر کہہ چکاہے کہ وہ طالبان کو سفارتی سیکورٹی ضرور فراہم کرینگے لیکن سفارتی درجہ نہیں دیا جائے گا۔ امریکا کی کوشش ہے کہ طالبان سے مذاکرات کے ذریعے معاہدہ ہو جائے اور افغانستان میں جنگ بندی کرکے مکمل امن و امان قائم کیا جائے۔
مغربی بنگال:دو اضلاع میں 115 بچوں کی موت
شام میں مزید 98افراد ہلاک، عرب لیگ نے مبصرین واپس بلا لیے
