امریکا کے تفتیشی اہلکاروں نے تردید کی ہے کہ معروف گلوکارہ وٹنی ہیوسٹن کی ہلاکت دواوں کے استعمال سے ہوئی۔ انتظامیہ کے مطابق گلوکارہ کی موت کی وجوہات جاننے کیلئے تحقیقات کی جارہی ہیں۔ گلوکارہ کی لاش کو طیارے کے ذریعے لاس اینجلس سے نیوجرسی پہنچادیاگیا۔
لاس اینجلس میں میڈیا سے گفتگو کرتے ہوئے تحقیقی ٹیم کا کہنا تھا کہ گلوکارہ کی ہلاکت کے بارے میں کوئی بھی حتمی رپورٹ سامنے نہیں آئی ہے۔ مختلف ویب سائٹس پر یہ خبر نشر کی گئی تھی کہ اداکارہ اور گلوکارہ تجویز کردہ دوائی کے ری ایکشن کے باعث ہلاک ہوئیں۔ تفتیشی ٹیم نے تردید کرتے ہوئے بتایا کہ کیمیکل رپورٹ آنے کے بعد موت کی وجوہات سامنے آسکیں گی۔ امریکی گلوکارہ دوروز قبل ہوٹل کے کمرے میں مردہ پائی گئی تھیں۔
بالی ووڈ: ماضی کی سپراسٹار مدھوبالا کی 79 ویں سالگرہ
ٹوئنکل کھنہ کے بغیر ایک دن بھی نہیں رہ سکتا، اکشے کمار
