لاس ویگاس : (جیو ڈیسک) لاس ویگاس میں عامر خان اور ڈینی گارسیا کے درمیان ہونیوالے بارہ راؤنڈز کے مقابلے کا فیصلہ چوتھے راؤنڈ ہی میں ہو گیاجس میں امریکی باکسر ڈینی گارسیا نے تابڑ توڑ حملوں کے بعد عامر خان کو ناک آؤٹ شکست سے دوچار کیا۔
ڈینی گارسیا نے باکسنگ کیرئیر کا چوبیسواں ٹائٹل اپنے نام کیا جو ابھی تک ناقابل شکست ہیں۔دوسری جانب عامر خان کو کیرئیر کی تیسری شکست کا سامنا ہوا ۔شاندار فتح کے بعد ڈینی گارسیا کا کہنا تھا کہ وہ اس کامیابی کو اپنے والدین اور دوستوں کے نام کرتے ہیں ۔گارسیا نے عامر خان کی تعریف کرتے ہوئے کہا عامر خان ایک عظیم باکسر ہیں لیکن آج کے مقابلے میں انہیں پتا نہیں کیا ہوا ۔
دوسری جانب گارسیا کے خلاف شکست کو قبول کرتے ہوئے عامر خان نے کہا کہ چیلنج فائٹ کے آغاز میں کچھ غلطیاں شکست کا باعث بنیں ۔
شفاف انتخابات کیلئے وزیراعظم کی اپوزیشن جماعتوں کو مذاکرات کی پیشکش
شام: اقوامِ متحدہ کے مبصرین تحقیقات کیلیے روانہ
