لاہور ہائیکورٹ نے سینیٹ کے انتخابات رکوانے کے لئے دائر درخواست پر اٹارنی جنرل پاکستان اور ایڈووکیٹ جنرل پنجاب کو معاونت کے لیے طلب کر لیا۔
درخواست گزار کے وکیل اے کے ڈوگرنے دلائل دیتے ہوئے کہا کہ آئین کے تحت صاف اور شفاف انتخابات کرانا الیکشن کمیشن کی ذمہ داری ہے۔ موجودہ تمام اسمبلیاں جعلی ووٹوں کے ذریعے وجود میں آئیں۔ نادرا کے اعداد و شمار کے مطابق تین کروڑاکہتر لاکھ سے زائد ووٹ جعلی ہیں۔
انہوں نے عدالت سے استدعا کی کہ حقیقی اسمبلیوں کے وجود میں آنے تک سینیٹ کے انتخابات روکنے کے احکامات صادر کئے جائیں۔ عدالت نے کیس کی مزید سماعت پندرہ فروری تک ملتوی کر دی۔
فیصل آباد: نوجوان نے دو بہنوں اور ان کے دوست کو قتل کر دیا
وزیراعظم کی صدارت میں مشترکہ مفادات کونسل کا اجلاس
