للیانی کی خبریں 3/3/2014
Posted on March 4, 2014 By Geo Urdu سٹی نیوز
صحافی کی جیب کاٹنے والے ملزمان 15روز بعد بھی گرفتار نہ ہو سکے، صحافی سراپہ احتجاج
مصطفی آباد/للیانی(نامہ نگار)صحافی کی جیب کاٹنے والے ملزمان 15روز بعد بھی گرفتار نہ ہو سکے، صحافی سراپہ احتجاج۔ تفصیلات کے مطابق صحافی خالد نواز کی 15روز قبل لاری اڈا قصور سے نا معلوم افراد نے جیب کاٹ لی تھی جس کا مقدمہ تھانہ صدر قصور میں درج کیا گیا تھا لیکن 15روز گزرنے کے باوجود تا حال پولیس کسی بھی ملزم کو گرفتار نہیں کر سکی۔ مصطفی آباد کی صحافی برادری نے احتجاجی مظاہرہ کرتے ہوئے ملزمان کو جلد از جلد گرفتار کرنے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
افواج پاکستان ہرقسم کے چیلنج سے نمٹنے کی بھرپورصلاحیت رکھتی ہے
مصطفی آباد/للیانی(نامہ نگار) افواج پاکستان ہرقسم کے چیلنج سے نمٹنے کی بھرپورصلاحیت رکھتی ہے۔عوام کی خواہشات کے مطابق فیصلہ کرینگے کومت وہ تمام تراقدامات اٹھائے گی جس سے عوام کی فلاح وبہبودممکن ہوسکے۔ان خیالات کااظہارچیئرمین ثالثی و مصالحتی کمیٹی تھانہ مصطفی آباد چوہدری اصغر علی نے اپنے ایک بیان میں کیا۔انہوںنے مزیدکہاکہ حکومت کے پاس دیگرآپشن بھی موجودہیںلیکن ہماری آج بھی اولین ترجیح مذاکرات ہے ۔ طالبان ہتھیارڈال دیںاورقومی دھارے میںشامل ہوجائیںتاکہ امن کو بحال کیاجاسکے اورعوام کی بہتری ممکن ہو۔کیونکہ موجودہ حکومت عوام کی خواہشات کے مطابق تمام ترفیصلے کرے گی جس سے عوام کی بہتری ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
میٹر ریڈر یامین نے کرپشن کا بازار گرم کر دیا
مصطفی آباد/للیانی(نامہ نگار)میٹر ریڈر یامین نے کرپشن کا بازار گرم کر دیا، ایس ڈی او کی ملی بھگت سے خراب میٹر کو کوڈ نمبر لگوانے کے 2ہزار روپے دفی میٹر وصول کرنے کاسلسلہ جاری رکھا ہوا ہے۔ میٹر ریڈر یامین ایس ڈی او واپڈ کی ملی بھگت سے ماہانہ ہزاروں روپے رشوت وصول کرتا ہے،شہریوں کی بڑی تعداد نے اعلی حکام سے کرپٹ میٹر ریڈر و ملوث افراد کے خلاف سخت قانونی کاروائی کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شاہین سائنس اکیڈمی کلاس دہم کی الوداعی پارٹی کا اہتمام کیا گیا۔ ملی نغموں
مصطفی آباد/للیانی(نامہ نگار)شاہین سائنس اکیڈمی کلاس دہم کی الوداعی پارٹی کا اہتمام کیا گیا۔ ملی نغموں،کوئز، نعت،تقاریر کے مقابلے ہوئے ۔ طالبات نے مزاحیہ خا کے پیش کئے۔ٹیبلو کو حاضرین نے بہت زیادہ پسند کیا گیا۔ان مقابلو ں میں طالبات ثناء افضال ،ماریہ لیاقت ، مقدس یونس ، صباء یاسمین ، وردہ مزمل، ریحانہ پروین، رابعہ تبسم ،آمنہ عبداللہ، ارم اشرف،عتیقہ رمضان، اقراء شہبار، نبیلہ نوشین، کرن شہزادی،خورشید بی بی،شفق احسان، بابرہ شکور، اقراء صدیق، فرزانہ لیاقت، اقراء ادریس، اقصیٰ رحمت، حفصہ اخلاق، ثمینہ یاسین نے نمایاں کارکردگی کا مظاہرہ کیا۔اس موقع پر خطاب کرتے ہوئے محمد افضل شاہین اور محمد رمضان نے کہا کہ طالبات با عمل مسلمان، محب وطن شہری بن کر ہی قائد اعظم کے پاکستان کو ترقی کی بلندیوں تک پہنچا سکتی ہیں۔ سائنس اور ٹیکنالوجی کے میدان میں آگے بڑھنے اوردنیا میں کامیابی کے لئے طالبات محنت کی عادت کو اپنائیں۔ دنیا میں جتنی بھی ترقی بھی ہوئی ہے وہ سب محنت اور لگن کی وجہ سے ہوئی ہے۔ملک و قوم کی ترقی کیلئے طالبات اپنی تمام صلاحیتوں کو بروئے کار لائیں۔ ہمیشہ والدین اور اساتذہ کا احترام کریں۔ اساتذہ کا احترام کرنے والے زندگی کے کسی بھی میدان میںناکام نہیں ہوتے۔کامیابی ہمیشہ ان کے قدم چومتی ہے۔
