لندن(جیوڈیسک)لندن اولمپکس مینز فٹبال فائنل میں پہلی مرتبہ کوالیفائی کرنے والی ٹیم میکسیکو نے برازیل کو ایک کے مقابلے میں دو گول سے شکست دیکر طلائی تمغہ جیت لیا۔
لندن کے ویمبلے اسٹیڈیم میں کھیلے گئے فائنل میں میکسیکو نے ابتدا سے جارحانہ کھیل کا مظاہرہ کیا اور میچ کے پہلے ہی منٹ میں اوربی پیرالٹا نے گول اسکور کردیا۔ پہلے ہاف کے اختتام پر میکسیکو کو برازیل پر ایک صفر کی برتری حاصل تھی۔ دوسرے ہاف میں بھی میکسیکن کھلاڑیوں نے شاندار کھیل پیش کیا۔
میچ کے پچھتر ویں منٹ میں اوربی پیرالٹا نے ایک اور گول کرکے اپنی ٹیم کی برتری کو دگنا کردیا۔ مقررہ وقت تک میکسیکو کو دو صفر کی برتری حاصل تھی لیکن کھیل کے اضافی ایک منٹ میں برازیل کی جانب سے واحد گول ویئرا ڈی سوزا نے کیا۔
لندن اولمپکس:ہاکی میں بھارت کی بارہویں اور آخری پوزیشن
لندن اولمپکس: بھارتی پہلوان فائنل میں
