لندن (جیوڈیسک) لندن میں ہوا ریڈ کارپٹ، فلم ڈائریکٹر جوئی رائٹ کی فلم اینا کرینینا کے پریمیئر کے موقع پر اور جمع ہوئے فلمی ستارے جنہوں نے پریمیئر میں لگا دیئے چار چاند۔ شوخ و شنگ لباسوں میں ملبوس، دمکتے چہروں کے ساتھ رنگ و نور کی اس محفل میں فلم میں اداکاری کے جوہر دکھانے والے موجود تھے شائقین فلم اور اپنے مداحوں سے داد وصول کرنے، فلم میں ٹائٹل رول ادا کرنے والی اداکارہ کائیرا نائٹلی کہتی ہیں کہ یہ فلم ان کے لیے ایک چیلنج تھا کیونکہ اس فلم میں عورت کے نازک جذبات کو ناقابل یقین حد تک فلم بینوں تک پہنچانے کی کوشش کی۔
واضح رہے کہ یہ تیسری فلم ہے جس میں ڈائریکٹر جوئی رائٹ نے کائیرا نائٹلی کو مرکزی کردار کے طور پر کاسٹ کیا۔ نائٹلی اس سے قبل جوئی رائٹ کی فلم پرائڈ اینڈ پریجوڈس اور آٹونیمنٹ میں بھی اپنی شاندار کارکردگی کا مظاہرہ کر کے فلم بینوں کے دل جیت چکی ہیں، ریڈ کارپٹ کے موقع پر اس پر بہار تقریب میں دیگر اداکاروں نے بھی اپنے خیالات کا اظہار کیا۔
عمران ہاشمی اور ایشا کی راز تھری کی کامیابی کیلئے حضرت نظام الدین اولیا کی درگاہ پر حاضری
سونم کپور اب نظر آئیں گی سیدھی سادھی لڑکی کے روپ میں
