مستونگ بلوچستان کے ضلع مستونگ کے علاقے دشت میں نامعلوم افراد نے کراچی سے چمن جانے والے 3 نیٹو کنٹینرز کو آگ لگا دی تاہم کوئی جانی نقصان نہیں ہوا۔ ڈپٹی کمشنر مستونگ شاہ عرفان نے جیو نیوز کو بتایا کہ کراچی سے 3 نیٹو کنٹینرز بسکٹ اور کھانے پینے کی دیگر اشیا لے کر چمن جارہے تھے کہ موٹرسائیکل پر نامعلوم مسلح افراد نے آکر انہیں روکا اور پیڑول چھڑک کر آگ لگادی جس سے تینوں کنٹینرز کے اگلے حصوں کو نقصان پہنچا، آگ پر قابو پانے کیلئے مستونگ اور کوئٹہ سے فائر بریگیڈ طلب کرلی گئی۔ انہوں نے بتایا کہ اس واقعے میں کوئی جانی نقصان نہیں ہوا۔ واضح رہے کہ نیٹو سپلائی کی بحالی کے بعد کنٹینرز پر حملوں کا یہ پہلا واقعہ ہے۔
سپریم کورٹ نے توہین عدالت قانون کالعدم قرار دے دیا
قانون سازی کااختیارپارلیمنٹ کا ہے،حکمراں اتحاد
