مزاحیہ اداکاری کے باعث مداحوں کو قہقہے لگانے پر مجبور کر دینے والے سکندر صنم گزشتہ کچھ عرصے سے جگر کے کینسر کے عارضے میں مبتلا تھے۔ ڈاکٹروں کے مطابق سکندر صنم کی طبعیت تسلی بخش نہیں تھی جس کے باعث وہ انتقال کر گئے ۔ سکندر صنم نے اپنے کرئیر کا آغاز سٹیج ڈراموں سے کیا اور پھر دیکھتے ہی دیکھتے وہ ہر سٹیج ڈرامے میں نظر آنے لگے۔ سکندر صنم کا شمار پاکستان کے بہترین کامیڈین میں ہوتا ہے۔ انہوں نے نہ صرف پاکستان بلکہ بھارت سمیت کئی ممالک میں اپنی صلاحیتوں کا لوہا منوایا۔ سٹیج ڈراموں کے علاوہ انہوں نے مزاحیہ فلموں میں بھی اداکاری کے جوہر دکھائے۔ سکندر صنم نے مزاح نگاری کو جس طرح سے اداکاری کے ذریعے پیش کیا اسے ان کے مداح کبھی فراموش نہیں کر سکتے۔
کراچی : پیرول پر رہا 35 ملزمان کے مقدمات کی تفصیل طلب
ممبئی فیشن ویک:ثانیہ مرزا کے سامنے فلمی ستارے ماند پڑگئے
