ملتان(جیوڈیسک)ملتان میں آتش بازی کے سامان میں دھماکے سے جاں بحق افراد کی تعداد چھ ہوگئی ہے۔ واقعے کے بعد تین افراد حراست میں لے لئے گئے۔ملتان کا حسین آگاہی چوک بازار اس وقت دھماکے سے گونج اٹھا جب آتش بازی کی دکان میں بارودی مواد خوفناک دھماکے سے پھٹ گیا۔ آتش بازی کا سامان تیارکرنے کا کارخانہ ایک گھر میں بنایا گیا تھا۔
دھماکہ اتنا شدید تھا کہ دو عمارتیں زمین بوس ہوگئیں جس سے بڑے پیمانے پر تباہی پھیلی۔ متعدد افراد ملبے تلے دب گئے اور قریبی عمارتوں کے شیشے ٹوٹ گئے۔
سی پی او عامر ذوالفقار نے بتایا دھماکے سے کئی دکانوں میں بھی آگ بھڑک اٹھی۔ دھماکے کے بعد علاقے میں دھواں پھیل گیااور بھگدڑ مچ گئی۔ اطلاع ملنے پر پولیس اور ریسکیو اہلکار جائے وقوع پر پہنچے اور زخمیوں کو اسپتال منتقل کیا۔
تنگ گلیوں کے باعث امدادی کاموں میں شدید مشکلات کا سامنا کرنا پڑا۔ واقعے کانوٹس لیتے ہوئے سی پی او نے تھانے کپ کے ایس ایچ او کو معطل کردیا۔
ایم ایم اے اب بھی دینی جماعتوں کا سیاسی اتحاد ہے، فضل الرحمٰن
ڈرون حملے جمہوریت کو نقصان پہنچا رہے ہیں،واجد شمس الحسن
