ملک میں امن و امان کی صورتحال ناگفتہ بہ ہے :اعجاز الحق
Posted on September 14, 2012 By Geo Urdu گجرات
گجرات (جی پی آئی)سابق وفاقی وزیر چوہدری اعجاز الحق نے کہا ہے کہ ملک میں امن و امان کی صورتحال ناگفتہ بہ ہے ، چوہدری محمد طفیل جیسے شریف النفس انسان کا قتل افسوس ناک ہے ، اور اس کی جتنی مذمت کی جائے کم ہے ، چوہدری محمد طفیل نے مسلم لیگ کیلئے گراں قدر خدمات سرانجام دی ہیں ، اور آرائیں موومنٹ کو بہتر بنانے کیلئے کام کیا ، وہ گزشتہ روز حافظ نواب دین ہائوس میں صحافیوں سے گفتگو کر رہے تھے ، انہوں نے کہا کہ جنرل مشرف نے تو امریکہ کے سامنے گھٹنے ٹیکے تھے ، موجودہ حکومت تو امریکہ کے سامنے چاروں شانے چت ہو گئی ہے ، امن و امان ہو یا معاشی صورتحال کوئی بھی خوش نہیں ، کراچی میں ہونے والا واقعہ افسوسناک ہے ، اس واقعہ کی عدالتی تحقیقاتی ہونی چاہیں ، انہوں نے امریکہ کی طرف سے قرآن پاک کی بے حرمتی کے واقعہ کی مذمت کی ہے اور گستاخانہ فلم اپ لوڈ کرنے والی ویب سائٹ پر پابندی عائد کرنے کا مطالبہ کیا ہے۔
چوہدری طفیل اور چوہدری اعجاز احمد کا قتل نا قابل تلافی نقصان ہے، قاتلوں کو فوری گرفتار کیا جائے،راجہ راحیل و راجہ مظہر ذمہ واریہ
