مٹا دیا مرے ساقی نے عالمِ من و تو
Posted on June 14, 2012 By Adeel Webmaster علامہ محمد اقبال
kalma tayyaba
مٹا دیا مرے ساقی نے عالمِ من و تو
پلا کے مجھ کو مئے لا الہ الا ھو
نہ مے، نہ شعر، نہ ساقی، نہ شورِ چنگ و رباب
سکوتِ کوہ و لبِ جوئے و لالئہ خود رو
گدائے میکدہ کی شانِ بے نیازی دیکھ
پہنچ کے چشمئہ حیوان پہ توڑتا ہے سبو
مرا سبوچہ غنیمت ہے اس زمانے میں
کہ خانقاہ میں خالی ہیں صوفیوں کے کدو
میں نو نیاز ہوں مجھ سے حجاب ہی اولیٰ
کہ دل سے بڑھ کے ہے میری نگاہ بے قابو
اگرچہ بحر کی موجوں میں ہے مقام اس کا
صفائے پاکئی طنیت سے ہے گہر کا وضو
جمیل تر ہی گل و لالہ فیض سے اس کے
نگاہِ شاعرِ رنگیں نوا میں ہے جادو
علامہ محمد اقبال
متاعِ بے بہا ہے درد و سوزِ آرزو مندی
مکتبوں میں کہیں رعنائی افکار بھی ہے؟
