لیجنڈری پاکستانی گلوکار مہدی حسن کی شدید علالت پر ان کے بھارتی مداحوں میں تشویش کی لہر دوڑ گئی ہے۔ بھارتی ریاست راجستھان میں ان کے بچپن کے دوست نارائن سنگھ شیخاوت اور دیگر افراد نے بھی شہنشاہ غزل مہدی حسن کی شدید علالت پر تشویش کا اظہار کیا ہے۔ راجستھان میں مہدی حسن کے بھارتی مداح ان کی جلد صحتیابی اور درازی عمر کے لیے دعائیں مانگ رہے ہیں۔ مہدی حسن سے ان کے مداحوں کی محبت کا اندازہ اس بات سے لگایا جا سکتاہے کہ بھارت کی مساجد کے ساتھ ساتھ مندروں میں بھی ان کی جلد صحت یابی کی دعائیں مانگی جا رہی ہیں۔ مہدی حسن انیس سو ستائیس میں بھارتی ریاست راجستھان کے گاوں لونا میں پیدا ہوئے تھے۔ بعض رپورٹس کے مطابق راجستھان کی حکومت نے مہدی حسن کے علاج پر آنے والے تمام اخراجات برداشت کرنے کی پیشکش بھی کی ہے۔
ممبئی: اٹھارویں لائنز گولڈ ایوارڈز میں ستاروں کی چمک دمک
وینا ملک کا پہلا فلمی آئٹم سونگ چھنو ریلیزکردیا گیا
