امریکی محکمہ دفاع نے کہا ہے کہ سلالہ چیک پوسٹ پر حملے کے ذمہ داروں کیخلاف کارراوئی حتمی رپورٹ آنے کے بعد کی جائے گی۔ جنرل کیانی کو تحقیقاتی رپورٹ سے آگاہ کردیا گیا ہے۔ پینٹاگان کے ترجمان جان کربی نے واشنگٹن میں بریفنگ کے دوران کہا کہ اتوار کے روز اسلام آباد میں موجود امریکی اہلکار نے جنرل کیانی کو فراہم کردی تھی۔ رپورٹ دینے کا مقصد پاکستان کی عسکری قیادت کو معاملات سے باخبر رکھنا ہے۔ انہوں نے کہا کہ حملے میں جانی نقصان پر افسوس ہے، ذمے داروں کے خلاف کارروائی خارج از امکان نہیں مگر اس کا فیصلہ حتمی رپورٹ آنے کے بعد کیا جائیگا۔ امریکی سینٹ کام نے رپورٹ میں کہا تھا کہ چھبیس نومبر کا حملے دونوں اطراف کے درمیان رابطوں کا فقدان کے باعث پیش آیا اور نیٹو کو آپریشن سے پہلے پاکستان سے رابطہ ضرورکرنا چاہئے۔
ایف بی آئی نے ملا عمر کا نام مطلوب افراد کی فہرست سے نکال دیا
شمالی کوریا ،کم جونگ ال کی آخری رسومات آج ہورہی ہیں
