ن لیگ گجرات کی قیادت کاڈی سی او سمیت متعدد افسران کے تبادلے کا مطالبہ
Posted on June 26, 2012 By Geo Urdu گجرات
گجرات (جی پی آئی)پاکستان مسلم لیگ ن ضلع گجرات کی قیادت نے ڈی سی او گجرات سمیت متعدد افسران کے گجرات سے تبادلہ کا مطالبہ کر دیا اور وزیر اعلیٰ پنجاب میاں شہباز شریف کو آگاہ کر دیا ہے کہ کہ ضلعی انتظامیہ کے افسران گجرات میں مسلم لیگ ن کا ووٹ بنک خراب کر رہے ہیں ن لیگ کی ضلعی قیادت کی شکایت پر صوبائی پارلیمانی سیکرٹری ڈاکٹر سعید الٰہی نے گجرات کا دورہ کیا اور ڈی سی او آفس گجرات میں ضلعی انتظامیہ کے افسران سے ملاقاتیں کیں ۔
ان ملاقاتوں میں ملک حنیف اعوان، حاجی ناصر محمود، ملک جمیل اعوان ، حاجی ناصر محمود، ملک جمیل اعوان، حاجی عمران ظفر، ثناء اللہ بٹ، صدر گجرات چیمبر مرزا محمد مشقا و دیگر موجود تھے ن لیگ کی قیادت نے یہ بھی شکایت کی کہ ڈی سی او او گجرات زیادہ وقت اپنے دفتر میں دینے کی بجائے ظہور الٰہی اسٹیڈیم میں کرکٹ کھیلنے میں گذارتے ہیں اور ترقیاتی منصوبوں کی راہ میں بھی رکاوٹیں ڈال رہے ہیں ڈاکٹر سعید الٰہی نے نمائندہ جذبہ کو بتایا کہ ضلعی انتظامیہ نے اگر مسلم لیگ ن کی ضلعی قیادت کو مطمعن نہ کیا تو ان کی ٹرانسفر گجرات سے کر دی جائے گی۔
