آئی ایس پی آر کے ترجمان نے کہا ہے کہ وزیراعظم کی طرف سے آرمی چیف جنرل کیانی اور ڈی جی آئی ایس آئی لیفٹنٹ جنرل احمد شجاع پاشا پر آئین کی خلاف ورزی کا الزام انتہائی سنگین نوعیت کا ہے۔ آئی ایس پی آر نے وزیراعظم کے بیان پر ردعمل میں کہا ہے کہ پاک فوج کے سربراہ جنرل اشفاق پرویز کیانی اور ڈائریکٹر جنرل آئی ایس آئی لیفٹنٹ جنرل احمد شجاع پاشا نے میمو کیس میں سپریم کورٹ میں جو جواب داخل کرایا، وہ سپریم کورٹ کی ہدایت کی روشنی میں جمع کرایا گیا ۔ ترجما ن نے واضح کیا کہ وزیراعظم کی طرف سے پاک فوج کے سربراہ جنرل کیانی اور ڈی جی آئی ایس آئی لیفٹنٹ جنرل احمد شجاع پاشا پر آئین کی خلاف ورزی کا الزام کے ملک پر انتہائی بدترین اثرات مرتب ہوں گے۔ ترجمان کے مطابق وزیراعظم کے بیان میں بعض ان حقائق کو نظر انداز کیا گیا کہ پاک فوج کے سربراہ جنرل اشفاق پرویز کیانی اور ڈی جی آئی ایس آئی لیفٹنٹ جنرل احمد شجاع پاشا کو میمو کیس میں سپریم کورٹ نے براہ راست جواب داخل کرانے کو کہا تھا جس پر اٹارنی جنرل نے بھی اعتراض نہیں کیا۔ ترجما ن نے واضح کیا کہ پاک فوج کے سربراہ کی طرف سے جو بھی اقدام کیا گیا وہ قواعد کے مطابق تھا۔
وزیر اعظم نے سیکرٹری دفاع کو برطرف کردیا
بددیانت کہے جانے پر افسوس ہے۔ گیلانی
