پسِ مرگ میرے مزار پر جو چراغ کسی نے جلا دیا
Posted on May 26, 2012 By Adeel Webmaster بہادر شاہ ظفر
Bahadur Shah zafar
پسِ مرگ میرے مزار پر جو چراغ کسی نے جلا دیا
اسے آہ دامنِ باد نے، سرِ شام ہی سے بجھا دیا
مجھے دفن کرنا تو جس گھڑی ، تو یہ اس سے کہناکہ اے پری
وہ جو تیرا عاشق زار تھا، تہہ خاک اسے دبا دیا
دمِ غسل سے مرے بیشتر، اسے ہم دموں نے یہ سوچ کر
کہیں جائے اس کا نہ دل دہل، میری لاش پر سے ہٹا دیا
میری آنکھ جھپکی تھی اک پل، میرے دل نے چاہا کہ اٹھ کر چل
دل بے قرار نے او میاں وہیں چٹکی لے کے جگا دیا
ذرا ان کی شوخی تو دیکھیے لیے زلف زخم شدہ ہاتھ میں
میرے پیچھے آئے دبے دبے مجھے سانپ کہہ کے ڈرا دیا
میں نے دل دیا، میں نے جاں دی، مگر آہ! تو نے نہ قدر کی
کسی بات کو جو کہا کبھی، اسے چٹکیوں میں اڑا دیا
بہادر شاہ ظفر
کیجیے نہ دس میں بیٹھ کر آپس کی بات چیت
صبح رو رو کر شام ہوتی ہے
