پنجاب میں شہاز شریف نے سستی شہرت حاصل کرنے کیلیے لاہور میں ورلڈ ریکارڈ کا ڈرامہ رچایا ہے، چوہدری خورشید زمان
Posted on October 21, 2012 By Geo Urdu سٹی نیوز
تحریک تحفظ پاکستان کے مرکزی سیکریٹری جنرل چوہدری خورشید زمان نے کہا ہے کہ وزیر اعلی پنجاب میں شہاز شریف نے سستی شہرت حاصل کرنے کیلیے لاہور میں ورلڈ ریکارڈ کا ڈرامہ رچایا ہے جس سے اس ملک کی غریب عوام کے اربوں روپے کا نقصان کیا ہے اپنے ایک بیان میں انہوں نے کہا کہ پنجاب کے نام نہاد خادم اعلی آئے روز کے سکینڈلوں سے گھبرا کر ورلڈ ریکارڈ کی آڑ میں سستی شہرت حاصل کرنے کیلیے قوم کے ساتھ بھونڈا مذاق کررہے ہیں۔
اگر ورلڈ ریکارڈ پر جانا ہی تھا تو پر ملک میں پھیلی ہوئی کرپشن پر جاتے جس میں بھی انہوں نے ورلڈ ریکارڈ بنانا تھا جبکہ یو نائٹیڈ نیشن کی جاری کردہ رپورٹ سے پنجاب کے حکمرانوں کو شرم سے ڈوب مرنا چاہیے کہ بے روزگاری کے باعث پچھلے ایک سال میں پنجاب کے اندر غربت اور افلاس کے باعث ایک لاکھ خواتین نے اپنی عزت کے خلاف کام کر کے گذر بسر کی ۔
جبکہ پنجاب کے اندر مریضوں کو علاج کی سہولت نہیں غریب شہریوں کے بچوں کو تعلیم کی سہولت میسر نہیں اگر یہی رقم بچوں کی تعلم اور مریضوں کے علاج کیلیے خرچ ہوتی تو ہوسکتا تھا کہ اس رقم سے ہم اصلی کام میں ورلڈ ریکار بناتے مگر پنجاب کے نام نہاد خادم اعلی سکول کے بچوں پر اربوں روپے خرچ کرکے سستی شہرت حاصل کرنے کا ڈرامہ کیاہے جس سے قوم کا اربوں روپے کا نقصان ہوا۔
