حیدر آباد (جیوڈیسک) پیپلزپارٹی آج حیدر آباد میں جلسہ کرے گی، پولیس کی چھٹیاں منسوخ اور سندھ یونیورسٹی کے پرچے ملتوی کر دیئے گئے۔ وفاقی وزیر مولا بخش چانڈیو نے کہا ہے کہ آج کا جلسہ تاریخی ہوگا۔
حیدر آباد میں پریس کانفرنس کرتے ہوئے انہوں نے کہا کہ وہ دلیل کیساتھ بات کرتے ہیں کسی پر پتھر یا کیچڑ نہیں اچھالتے۔ مخالفین کو حق ہے کہ وہ سیاست کریں، سیاست کی آڑ میں دشمنی نہ کریں۔
انہوں نے کہا کہ پیپلزپارٹی کا جلسہ تاریخی ہوگا اور جمہوریت کا بستر گول کرنے والے اپنے بستر گول کرلینگے۔ دوسری طرف سندھ یونیورسٹی نے آج ہونے والے تمام امتحانات ملتوی کردیئے ہیں اور سیکیورٹی کی وجہ سے پولیس نے تمام اہلکاروں کی چھٹیاں منسوخ کردی ہیں۔ جلسہ گاہ میں تیاریاں عروج پر ہیں اور اسٹیج کا کام بھی مکمل کرلیا گیا۔ صوبائی وزیر شرجیل میمن کا کہنا ہے کہ اب بندوق کے زورپربات منانے کا دورچلا گیا، ہماری شرافت کو کمزوری نہ سمجھا جائے۔
سنی اتحاد کونسل کا ٹرین مارچ نواب شاہ پہنچ گیا
اسلام آباد ، راولپنڈی ، پشاور میں بارش ، موسم سرد
