چوہدری قیصر محمود کو آرائیں موومنٹ محلہ نور پور کا صدرمنتخب کرلیا گیا
Posted on March 20, 2012 By Geo Urdu گجرات
گجرات : چوہدری قیصر محمود کو آرائیں موومنٹ محلہ نور پور کا صدر اور مہر محمد احسان ایڈووکیٹ کو جنرل سیکرٹری آرائیں موومنٹ نور پور منتخب کرلیا گیا۔ گزشتہ روز مہر تنویر احمد مکھن سرپرست آرائیں موومنٹ گجرات سٹی کی رہائش گاہ پر ہونے والے ایک خصوصی اجلاس میں یہ فیصلہ کیا گیا ان کے علاوہ محلہ نور پور آرائیں موومنٹ یوتھ ونگ کے لیے مہر عثمان عرف سنی کو صدر اور مہر نعمان کو جنرل سیکرٹری منتخب کیا گیا۔ اس موقع پر آرائیں موومنٹ گجرات سٹی کے صدر چوہدری سعید الرحمان آف چاہ کھولے، مہر مشتاق احمد سرپرست اعلیٰ سٹی گجرات، مہر افتخار احمد سرپرست آرائیں موومنٹ گجرات سٹی، مہر اللہ دتہ نائب صدر سٹی، راشد رضا عاجز چیئرمین میرج ونگ آرائیں موومنٹ ضلع گجرات، چوہدری خاور جاوید ایڈووکیٹ چیئرمین آرائیں موومنٹ لائرز ونگ ضلع گجرات، مہر محمد مالک دانشمند، مہر فاروق خالد، مہر عبدالحمید عرف صاحب موجود تھے جبکہ سابق چیئرمین بلدیہ چوہدری محمد طفیل نے خصوصی شرکت کی اور اجلاس کے شرکاء کو آرائیں موومنٹ کے قیام اور مقاصد کے متعلق آگاہ کرتے ہوئے کہا کہ یہ تنظیمی برادری اور انسانیت کی خدمت کے لیے اپنے وسائل کے ساتھ کام کررہی ہے اور تعلیم اور معاشی خود انحصاری کے شعبہ میں مستحقین کی بلاتفریق برادری خدمت کرتی ہے۔ سٹی صدر چوہدری سعید الرحمان نے کہاکہ آرائیں موومنٹ اپنے اراکین کی سیاسی وابستگی سے قطع نظر برادری کی خدمت کرتی ہے اور ہمیں آپ سے ووٹ کا لالچ نہیں ہے بلکہ آرائیں برادری کی عزت و وقار اور اپنے بچوں کو اعلیٰ تعلیم دلانے میں دلچسپی ہے۔ آرائیں موومنٹ نور پور کے صدر قیصر محمود، جنرل سیکرٹری مہر محمد احسان ایڈووکیٹ اور یوتھ ونگ کے صدر مہر عثمان عرف سنی اور سیکرٹری مہر نعمان سے قائدین آرائیں موومنٹ کو یقین دلایا کہ نور پور سے بڑا قافلہ 25 مارچ کے کنونشن میں شرکت کرے گا۔
