ڈنگہ کی خبریں 7.10.2013
Posted on October 8, 2013 By Geo Urdu سٹی نیوز
ڈنگہ : تحصیل ہیڈ کوارٹر ہسپتال کھاریاں میں ڈسپنسر اور محلہ سفید مندر کے رہائشی ڈاکٹر ارشد اقبال گجرات کے قرب ٹریفک حادثہ میں شدید زخمی ہو گئے
ڈنگہ (محمد بلال احمد بٹ) تحصیل ہیڈ کوارٹر ہسپتال کھاریاں میں ڈسپنسر اور محلہ سفید مندر کے رہائشی ڈاکٹر ارشد اقبال گجرات کے قرب ٹریفک حادثہ میں شدید زخمی ہو گئے، سر اور ٹانگوں پر شدید چوٹیں آئیں اور کمر کو بھی نقصان پہنچا، تفصیلات کے مطابق محلہ سفید مندر کے رہائشی ڈاکٹر ارشد اقبال اپنی فیملی کے ہمراہ سات اکتوبر کو رات گیارہ بجے کی فلائٹ پر حج کی سعادت حاصل کرنے کیلئے سعودی عرب جانا تھا چھ اکتوبر کوشام گجرات سے اپنے دوستوں کو ملکہ واپس ڈنگہ آرہے تھے کہ تقریباً سات بجے کے قریب سروس موڑ کے نزدیک اپنی گاڑی سے اتر کر کسی کام کی غرض سے سڑک کراس کر رہے تھے کہ تیز رفتار موٹر سائیکل نے ٹکر مار دی جس سے وہ شدید زخمی ہو گئے، فوری طور پر گجرات ہسپتال داخل کروایا گیا سر اور ٹانگ پر شدید کمر کو بھی نقصان پہنچا رات دو بجے کے قریب انہیں ڈنگہ لایا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پولیس چوکی ڈنگہ کا مغل پورہ میں جسم فروشی کے اڈا پر چھاپہ، پولیس کو دیکھ کر ملزمان فرار
ڈنگہ (محمد بلال احمد بٹ) پولیس چوکی ڈنگہ کا مغل پورہ میں جسم فروشی کے اڈا پر چھاپہ، پولیس کو دیکھ کر ملزمان فرار، اہل محلہ نے چادر اور چار دیواری کے تقدس کو پامال کرنے پر پولیس کے درمیان تصادم، دونوں طرف سے کئی افراد زخمی، تفصیلات کے مطابق ڈی پی او گجرات کے حکم اور ڈی ایس پی کھاریاں کی ہدایت پر پولیس چوکی انچارج ڈنگہ حافظ مشتاق احمد کی سرکردگی میں محلہ مغل پورہ میں بدنام زمانہ جسم فروشی کے اڈے پر چھاپے مارا، پولیس کو دیکھ کر مبینہ ملزمان پیچھے کی طرف واقع گھر کی طرف سے فرار ہوگئے، پولیس شبہ میں ان کو پکڑنے کے لیے گھروں میں داخل ہو گئی،جس پر اہل محلہ اور پولیس کے تصادم ہو گیا،پولیس تین افراد کو پکڑ کر تھانہ لے آئی جس سے دونوں طرف سے متعد دافراد زخمی ہوگئے پولیس شرفاء کے گھروں میں داخل ہونے پر اہل محلہ مغل پورہ اور محلہ شاہ سوار کے سینکڑوں افراد نے احتجاجی مظاہرہ کیا اور تھانے کا گھیرائو کر لیا پویس کے خلاف نعرہ بازی کی گرفتار فراد کی رہائی اور قحبہ خانہ کو فوری طوربند کرنے کا مطالبہ کیا جس پر معززین علاقہ نے دونوں فریقین میں راضی نامہ کراو دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں امجد محمود بھی بلدیاتی الیکشن لڑنے کیلئے متحرک ہو گئے
ڈنگہ (محمد بلال احمد بٹ) میاں امجد محمود بھی بلدیاتی الیکشن لڑنے کیلئے متحرک ہو گئے، قریبی ذرائع سے معلوم ہوا ہے کہ میاں طار ق محمود ایم پی اے کے بھائی اور سابق چیئر مین بلدیہ ڈنگہ میاں امجد محمود، شہر کی حلقہ بندیوں می خاصے متحرک نظر آرہے ہیں، جسکی وجہ سے معلوم ہوتا ہے کہ وہ بھی آئندہ ہونے والے بلدیاتی الیکشن میں حصہ لیں گے شنیدتھی کہ میاں طارق محمود ایم پی اے فیملی میں کوئی فرد بلدیاتی الیکشن میں حصہ نہیں لے گا اچانک ان کے متحرک ہونے سے ڈنگہ کی سیاسی صورتحال یکسر بدلتی ہوئی نظر آرہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ظہیر میڈیکل سٹور پر 12 لاکھ غبن کرنے پر عمر وقاص کے خلاف مقدمہ در
ڈنگہ (محمد بلال احمد بٹ) ظہیر میڈیکل سٹور پر 12 لاکھ غبن کرنے پر عمر وقاص کے خلاف مقدمہ درج، تفصیلات کے مطابق ظہیر میڈیکل سٹور پر کام کرنے والے عمر وقاص وکی کے خلاف وحید احمد کی درخواست بارہ لاکھ روپے غبن کرنے پر پولیس تھانہ ڈنگہ نے پرچہ درج کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عمر وقاص عرف وکی انصاف کیلئے وزیراعلیٰ ہائوس پہنچ گئے ،درخواست ڈی پی او گجرات کے پاس پہنچ گئی
ڈنگہ (محمد بلال احمد بٹ) عمر وقاص عرف وکی انصاف کیلئے وزیراعلیٰ ہائوس پہنچ گئے درخواست ڈی پی او گجرات کے پاس پہنچ گئی، ڈی پی او نے وحیداحمد،سٹی انچارج، حافظ مشتاق احمد کو اپنے دفتر طلب کر لیا عمر وقاص عرف وکی نے موقف اختیار کیا ہے کہ میرے ساتھ پولیس نے زیادتی کی تشدد کا نشانہ بنایا جس پر سٹی انچارج کے خلاف پرچہ درج کروایا گیا،لیکن نہ جانے پرچہ کیوں خارج کر دیا گیا، میرے ساتھ انصاف کیا جائے جو ظلم اور زیادتی ہوئی ہے اس کا ازالہ کیا جائے جس پر ڈی پی او نے دوبارہ تفتیش کرنے کے احکامات جاری کر دیئے ہیں اور جب تک میرٹ پر تفتیش ہیں ہوتی س وقت تک اس کے خلاف جو غبن کا پرچہ ہے گرفتار نہ کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری قمر زمان کائرہ کی ڈنگہ آمد، ڈاکٹر غلام مصطفی آذرکے والد محترم حاجی عبدالغفور کی وفات پر ان کی رہائش گاہ پر آئے
ڈنگہ (محمد بلال احمد بٹ) سابق وفاقی وزیر اطلاعات و نشریات و پیپلز پارٹی کے مرکزی راہنما چوہدری قمر زمان کائرہ، ڈنگہ پریس کلب رجسٹرڈ اور چیف ایڈیٹر نئے حقائق ڈاکٹر غلام مصطفی آذرکے والد محترم حاجی عبدالغفور کی وفات پر ان کی رہائش گاہ پر آئے اور مرحوم کے ایصال ثواب کیلئے فاتحہ خوانی کی اور دعا کی ہے کہ اللہ تعالیٰ مرحوم کو جواررحمت میں جگہ عطا فرمائے ان کے ہمراہ سابق نائب ناظم مظہر نور ایڈووکیٹ، پیپلز پارٹی کے راہنما گلزار احمد بھٹو، رانا شاہد رائوف، شاہد اقبال، حکیم اظہر اقبال،عامر حبیب، امتیاز احمہد بٹ بھی تھے اس موقع پر مرزا محمد اعظم، مرزا خالد محمود،ٹھیکیدار رحم الدین سرگودہا، عبدالشکور، محمد رفیق،طلحہ مصطفی، حنظلہ حماد اور صحافی بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : محکمہ سوئی گیس نے محمد نصیر کے نام کا بل بھیج دیا جبکہ ان کے گھر میٹر لگا نہیں
ڈنگہ (نامہ نگار) محکمہ سوئی گیس نے محمد نصیر کے نام کا بل بھیج دیا جبکہ ان کے گھر میٹر لگا نہیں، معلوم ہوا ہے کہ گذشتہ روز محلہ سفید مندر کے رہائشی محمد نصیر ولد بشیر احمد کو ایک بل نمبر 86370842899 موصول ہوا ہے، جس پر آٹھ ہزار ایک سو چالیس روپے تھے جس کی آخری تاریخ10-10-2013درج ہے محمد نصیر بل دیکھ کر حیران رہ گیا کہ میرے گھر تو میٹر کیا سروس نام کی کوئی چیز نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عید کے تیسرے دن پہلوان دنگل کی تیاریاں شروع ہو گئی ہیں
ڈنگہ (محمد بلال احمد بٹ) عید کے تیسرے دن پہلوان دنگل کی تیاریاں شروع ہو گئی ہیں، جو کہ ہر خاص و عام کیلئے مفت رکھا جائیگا،چنگڑ پہلوان اور پنجابی پہلوان کے درمیان کانٹے دار مقابلے ہونگے، پہلوانوں کی حوصلہ افزائی کرنا تمام افراد کا حق ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ذی الحج کا چاند نظر آگیا، عید الاضحی سولہ اکتوبر کو ہوگی
ڈنگہ (محمد بلال احمد بٹ) ذی الحج کا چاند نظرآگیا، عید الاضحی سولہ اکتوبر کو ہوگی، تفصیلات کے مطابق گذشتہ روز رویت ہلال کمیٹی کا اجلاس ہوا جس میں مفتی منیب الرحمن نے صدارت کی، مضبوط شہادتوں کی بناء پر انہوں نے چاند کے نظر آنے کا
اعلان کیا جس کے مطابق پاکستان میں عید الاضحی سولہ اکتوبر کو ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے نواحی گائوں بھلیسرانوالہ سے نامعلوم مسلح ڈاکو محمد بشیر کی دکان میں داخل ہو کر نقدی 75 سو روپے چھین کر لے گئے
ڈنگہ (محمد بلال احمد بٹ) ڈنگہ کے نواحی گائوں بھلیسرانوالہ سے نامعلوم مسلح ڈاکو محمد بشیر کی دکان میں داخل ہو کر نقدی 75 سو روپے چھین کر لے گئے، پولیس تھانہ ڈنگہ نے مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عوام کی ترجمانی اور فلاح بہبود کیلئے بلدیاتی الیکشن میں ضرور حصہ لوںگا، چوہدری زاہد اصغر نمبردار
ڈنگہ (محمد بلال احمد بٹ) حلقہ میں چار کروڑ کے ترقیاتی کام مکمل کروانے والے متحرک عوام کے صحیح ترجمان چوہدری زاہد اصغر نمبردار آف پنجن شہانہ نے صحافیوں کو بتایا ہے کہ عوام کی ترجمانی اور فلاح بہبود کیلئے بلدیاتی الیکشن میں ضرور حصہ لوںگا، دن رات محنت لگن سے حلقہ میں چار کروڑ کی کثیر لاگت سے کام کروائے ہیں جن میں پختہ سڑکیں پل نہر اپر جہلم گرلز، بوائز سکول کی تعمیر، بجلی، گائوں کے اگروں اطراف نکاسی آب کا مسئلہ گلیاں نالیاں قبرستان کی چار دیواری و دیگر منصوبے شامل ہیں، ان کے علاوہ شناختی کارڈ بنوائے بے نظیر انکم سپورٹ سکیم اور نواز شریف فوڈز اسکیم کے تحت غریب عوام کو امداد لیکر دی ہے، عوام کی ترجمانی اور حلقہ کی مزید فلاح و بہبود کیلئے بلدیاتی الیکشن میں حصہ لوں گا کامیاب ہو کر حلقہ کو ایک ماڈل گائوں بنا کردم لوں گا۔
