کراچی : (جیو ڈیسک) پولیس نے سرچ آپریشن کے دوران چھ مبینہ ٹارگٹ کلرز سمیت دو درجن سے زائد افراد حراست میں لے لئے۔ ملزمان سے تفتیش کی جا رہی ہے۔ کراچی میں جرائم پیشہ افراد کے خلاف پولیس نے کارروائی کرتے ہوئے چھ مبینہ ٹارگٹ کلرز سمیت دو درجن سے زائد مشتبہ افراد حراست میں لے لئے۔
اورنگی ٹاؤن میں پولیس نے چھاپے مارکر اکیس افراد کو گرفتار کیا۔ ملزمان میں چار مبینہ ٹارگٹ کلرز بھی شامل ہیں۔ سعید آباد پولیس نے ایک ٹارگٹ کلر فہیم الدین عرف فہیم کالا کو گرفتار کر کے اسلحہ برآمد کیا۔ بلال کالونی سے ٹارگٹ کلر زاہد کو پکڑا گیا۔ ملزم سے اسلحہ اور منشیات بھی برآمد ہوئی۔
فیڈرل بی انڈسٹریل ایریا میں پولیس نے مختلف مقدمات میں نامزد تین ملزمان گرفتار کرکے اسلحہ، منشیات، موبائل فونز اور موٹر سائیکل برآمد کر لی۔ آرام باغ، پی آئی بی، کورنگی اور لانڈھی سے آٹھ مشتبہ افراد کو حراست میں لیا گیا۔
صدر زرداری نے کراچی میں امن کیلئے کوآرڈینیشن کمیٹی قائم کر دی
بھوجا ائیر حادثہ: ایم کیو ایم نے تحریک التوا جمع کرا دی
