گجرات میں معاشی انقلاب لانا ہمارا عزم ہے:عمر مسعود فاروقی
Posted on April 10, 2012 By Geo Urdu گجرات
گجرات: ممتاز سماجی سیاسی شخصیت وزیراعظم پاکستان کے سابق مشیر برائے ایگری کلچر عمر مسعود فاروقی نے گزشتہ روز گجرات میں پریس کانفرنس سے خطاب کرتے ہوئے کہا کہ گجرات میں معاشی انقلاب لانا ہمارا عزم ہے اس سلسلہ میں بیروزگاری کے خاتمہ اور انرجی کراسس کے خاتمہ کیلئے اقدامات کیے جائینگے ، میرے پاس گجرات کے مسائل کے حل کیلئے ایک منصوبہ ہے جس پر عملدرآمد کرنے سے گجرات کے مسائل حل ہو سکتے ہیں ، کوڑا کرکٹ سے بجلی اور کھاد پیدا کرنے کے منصوبہ سے گجرات میں معاشی انقلاب برپا کیا جائیگا اور گجرات کے باسیوں کو روزگار جیسی سہولت فراہم کی جائیگی ، میں عنقریب گجرات چیمبر آف کامرس کا دورہ کر کے اس منصوبہ کے بارے میں تفصیلات سے آگاہ کرونگا ، باشعور شہریوں سے اپیل ہے کہ وہ اس سلسلہ میں میرا ساتھ دیں تا کہ انہیں سہولیات فراہم کرنے کے سلسلہ میں میں اپنی صلاحتیں برئوے کار لا سکوں ۔
